काठमाडौँ । सेन्ट लरेन्स कलेजलाई वाग्मती प्रदेशको उत्कृष्ट शैक्षिक संस्थाका रूपमा ‘उत्कृष्ट शैक्षिक संस्था सम्मान २०८०’ प्रदान गरिएको छ ।
चावहिलको मित्रपार्कमा अवस्थित कलेजलाई चन्द्रलोक प्रतिष्ठानले प्रदान गरेको बाग्मति प्रदेशको उत्कृष्ट शैक्षिक संस्थाका रूपमा ‘उत्कृष्ट शैक्षिक संस्था सम्मान २०८०’ बाट सम्मानित गरिएको हो ।
प्रविधिमैत्री प्रतिस्पर्धा र क्षमतावान शैक्षिक जनशक्ति उत्पादनमा संस्थाले अतुलनीय योगदान पुर्याएकाले सेन्ट लरेन्स कलेजलाई वाग्मती प्रदेशकै उत्कृष्ट कलेजका रूपमा ‘उत्कृष्ट शैक्षिक संस्था सम्मान २०८०’ बाट सम्मानित गरिएको आयोजक संस्थाले जनाएको छ ।
‘उत्कृष्ट शैक्षिक संस्था सम्मान २०८०’ शिक्षा विज्ञान तथा प्रविधि राज्यमन्त्री प्रमिला कुमारीले सेन्ट लरेन्स कलेजका क्याम्पस प्रमुख पुरूषोत्तम महर्जनलाई प्रदान गर्नुभएको हो ।
प्रदेशस्तरमा उत्कृष्ट शैक्षिक संस्थाका रूपमा स्थापित तथा सम्मानित कलेजले कक्षा ११/१२ तर्फ शिक्षा मानविकी व्यवस्थापन र कानुन विषय अध्यायन अध्यापन गराउँदै आइरहेको छ ।
त्यसैगरी, कलेजका प्रधानाध्यापक पुरुषोत्तम महर्जनले सेन्ट लरेन्समा कक्षा ११ मा भर्ना हुनु भएका विद्यार्थीलाई यो दुई वर्षको अध्ययन सम्झनलायक हुने बताउनुभयो ।
कार्यक्रममा प्रेरक वक्ता रबिन कट्वालले विद्यार्थीहरुमा जिवनोपयोगी ज्ञान प्रस्तुत गर्नुभइको थियो । विश्वका विभिन्न सफल व्यक्तिका सफलताका कथा सुनाउँदै उहाँले विद्यार्थीहरुमा उत्प्रेरणा भर्नु भएको थियो । यसैगरी, कार्यक्रममा सेन्ट लरेन्समा अध्ययन गरी विभिन्न क्षेत्रमा सफलता प्राप्त गरेका विद्यार्थीहरुलाई सम्मान गरिएको थियो । तस्विर : दिलिप वैद्य
