ओइल दर्पण 
काठमाडौँ । कान्तिपुर इङ्लिस हाईस्कुल (केईएचएस) का विद्यार्थीहरू “रेड पिटर” शिर्षकको नाटक शोमा सहभागी भएका छन् । केईएचएस स्कुलले विद्यार्थीहरूलाई वज्र होटलको नागा थिएटरमा मञ्चन भएको नाटकमा सहभागी गराएको हो । नाटक “रेड पिटर” फ्रान्ज काफ्काद्वारा लिखित “रिपोर्ट टु एन एकेडेमी” को रूपान्तरण हो । नाटक सबिन लेहम्यानद्वारा मञ्चन गरिएको थियो ।
एक घण्टा पन्ध्र मिनेट लामो नाटकले विद्यार्थीहरूमा सकारात्मक परिवर्तन सँगसँगै जीवनको लक्ष्य प्राप्ति तर्फ उत्प्रेरित हुन मद्दत पुर्याएको छ । नाटक विधामा लोकप्रिय फ्रान्क काफ्काद्वारा लिखित “रिपोर्ट टु एन एकेडेमी” एक वानर, रेड पिटरको कथा हो, जसलाई मानिसजस्तै व्यवहार गर्न तालिम दिइएको हुन्छ । पिटर जनावरहरूप्रति मानिसहरूको व्यवहार देखेर छक्क परेका छन् । तर, अब आफ्नो दृष्टिकोणबाट सबै कुरामा आफ्ना भावनाहरू साझा गर्न सक्षम भएकोमा खुसी छन् । कुन्दन शाक्यले नाटकमा उत्कृष्ट रूपमा चित्रित पिटरलाई असाधारण रूपमा भुमिका निभाएका छन ।
नाटक हेरिसके पश्चात् विद्यार्थीहरुले कलाकारको स्वरमा अचम्मको स्वर, ‘नयाँ मानव’ले देखाएको गहिरो पीडा, पशु समुदायप्रति ‘द एकेडेमी’ले खिल्ली उढाएको जस्ता कुरामा विद्यार्थीहरुले भावना व्यक्त गरेका थिए । विद्यार्थीहरू सँगै नाटकमा सहभागी शिक्षकहरूले,’आफ्ना विद्यार्थीहरूले राम्रो समय मात्र नभई जीवनप्रतिको दृष्टिकोणलाई केही हदसम्म परिवर्तन गर्ने साहित्यबारे पनि सिकेका बताउनुभयो ।
विद्यालयका उप प्रधानाध्यापम जेरेल मोरालेस श्रेष्ठले यस्ता कार्यक्रमहरूबाट विद्यार्थीहरूलाई पुस्तकभन्दा पनि ज्ञान प्रदान गर्ने विश्वास व्यक्त गर्नुभयो । उहाँले केएचएसले आफ्ना विद्यार्थीहरूलाई उनीहरूको वास्तविक जीवनमा सहयोग पु-याउने कार्यक्रमहरूमा सक्रिय सहभागितामा गराउँदै आइरहेको बताउनुभयो । उक्त नाटक शोमा कक्षा १ देखि १० सम्मका विद्यार्थीहरू सहभागी रहेका थिए ।
